З 1 па 30 лістапада 2022 г. у рамках праекта «У Брэсце — чытаць. Экспедыцыя» ў аддзеле перыядычных выданняў будзе экспанавацца выстава перыёдыкі «Космас».

Лічаць, што сучаснае слова «космас» пайшло ад старажытнагрэчаскага, адно са значэнняў якога — «свет».

Космас — гэта самая новая для даследаванняў сфера. Дапытлівая чалавечая натура заўсёды гатова да рызыкоўных прыгод і ставіць перад сабой амбіцыйныя задачы. Космас вялікі і неабсяжны, хавае ў сабе шмат нерасчыненых загадак і таямніц.

На выставе будуць прадстаўлены часопісныя публікацыі аб новых касмічных даследаваннях, аб таямніцах Сусвету, аб каметах і чорных дзірках у космасе і аб тым, як захаваць нашу планету.

Экспазіцыя падрыхтавана па матэрыялах часопісаў: «Планета», «GEO: непознанный мир: Земля», «Наука и жизнь», «Вокруг света», «National Geographic. Россия», «В мире науки», «Знание — сила» і інш. Артыкулы для чытання даступныя непасрэдна ў аддзеле перыядычных выданняў, а таксама ў электронным варыянце на сайце бібліятэкі ў кантэнце «У Брэсце — чытаць. Экспедыцыя».

Пазнаёміцца са спісам артыкулаў можна тут: https://drive.google.com/file/d/13lfblvhlL6hbByLKthmPoGLTI3uFst4M/view?usp=share_link

Любую публікацыю з дадзенага спісу мы можам даслаць на электронны адрас чытача, аплата праводзіцца ў адпаведнасці з «Прэйскурантам».

Запрашаем чытачоў стаць удзельнікамі праекту «У Брэсце — чытаць. Экспедыцыя».

Аддзел перыядычных выданняў

+375 162 57 48 39