27 красавіка 2023 г. у дзіцячым аддзеле бібліятэкі адбылася творчая сустрэча навучэнцаў 3 «А» класа пачатковай школы № 5 г. Брэста з шматгранным таленавітым чалавекам — паэткай, аўтарам дзіцячай прозы, членам Саюза пісьменнікаў Беларусі, вядомым музычным педагогам Ірынай Барысаўнай Морых. Таксама Ірына Барысаўна — аўтар вялікай колькасці публікацый пра культуру, музыку і педагогіку.

Госця расказала пра сябе: працу, творчасць, сям'ю, шматлікія падарожжы; зачытала ўрыўкі з кнігі «Таямніца крамы цацак» (аповесці-фэнтэзі для дзяцей і падлеткаў); пазнаёміла з цыклам вершаў пра маленькую прынцэсу і адказала на шматлікія пытанні цікаўных слухачоў. А бібліятэцы Ірына Барысаўна падарыла свае кнігі, пакінуўшы на іх аўтографы. Хутка юныя чытачы змогуць узяць кнігі Ірыны Морых у дзіцячым аддзеле!

Мерапрыемства адбылося ў рамках культурна-асветніцкага праекта бібліятэкі «Праз кнігу да міру і стварэння».

Дзіцячы аддзел

+375 162 59 43 36