19 чэрвеня 2023 г.у Публічным цэнтры прававой інфармацыі Брэсцкай абласной бібліятэкі імя М. Горкага для дзяцей прышкольнага лагера сярэдняй школы № 3 г. Брэста прайшоў урок грамадзянскасці «Сімвалы Беларусі».

Галоўны бібліятэкар сектара арганізацыі працы ПЦПІ І. М. Марашчук распавяла прысутным пра нацыянальныя сімвалы нашай краіны, дзякуючы якім Беларусь ведаюць і паважаюць ва ўсім свеце; пра паходжанне дзяржаўных сцяга і герба; падзялілася інфармацыяй пра асаблівасці стварэння гімна незалежнай Беларусі.

У канцы сустрэчы была праведзена прававая віктарына «Мы — грамадзяне Рэспублікі Беларусь», у якой дзеці праявілі высокую актыўнасць і паказалі добрыя веды славутасцяў Беларусі і яе сімволікі. Пераможцам віктарыны былі ўручаны дыпломы I, II і III ступені і заахвочвальныя прызы.

Да мерапрыемства была падрыхтавана выстава літаратуры «У сімвалах — гісторыя краіны». Сустрэча адбылася ў рамках цыкла «Прававыя канікулы».

Сектар арганізацыі працы ПЦПІ

+375-162-574874