28 мая 2026 г. у аддзеле перыядычных выданняў Брэсцкай абласной бібліятэкі ім. М. Горкага прайшоў пошукава-пазнавальны практыкум на тэму «Беларускія імёны Перамогі. Подзвіг беларускіх жанчын». Удзельнікамі мерапрыемства сталі навучэнцы Брэсцкага каледжа — філіяла УА «БелДУТ».

Працуючы з часопісамі «Армія", «Беларуская думка», «Беларускі гістарычны часопіс», «Саюзная дзяржава», «Змена», «Алеся», «Армія», навучэнцы шукалі разгорнутыя адказы на пытанні аб подзвігах беларускіх жанчын у гады Вялікай Айчыннай вайны. У ходзе практыкума яны даведаліся:

• імя адзінай беларускай дзяўчыны-камандзіра танкавага батальёна ў перыяд Вялікай Айчыннай вайны.

• імя беларускай удзельніцы жаночага авіяцыйнага фарміравання Гвардзейскага Таманскага бамбардзіровачнага авіяцыйнага палка («Начныя ластаўкі»).

• імя беларускі, якая здзейсніла «подзвіг Матросава» раней за самога Аляксандра Матросава.

• імя беларускай медсястры, чыё імя пісалі савецкія салдаты на танках, якія ідуць у бой.

• імя беларускіх жанчын, чый подзвіг стаў падставай для аб'яўлення ў фашысцкай Германіі дня жалобы другі раз за ўвесь перыяд Вялікай Айчыннай вайны.

Пошукава-пазнавальны практыкум не толькі пашырыў веды вучняў аб забытых і малавядомых старонках вайны, але і паказаў, якую вялікую ролю адыгралі беларускія жанчыны ў набліжэнні Перамогі. Праца з перыядычнымі выданнямі дапамагла маладым людзям адчуць сувязь часоў, развіла навыкі даследчага пошуку і крытычнага мыслення.

Аддзел перыядычных выданняў

+ 375 162 57 48 39