З 4 лютага ў сектары літаратуры па мастацтве працуе выстава «Ганаровы грамадзянін куліс», прысвечаная 160-годдзю з дня нараджэння Льва Бакста. Выбітны мастак-сцэнограф, кніжны ілюстратар, майстар станковага жывапісу і тэатральнай графікі, мадэльер Сярэбранага стагоддзя, ураджэнец Гродна (сапраўднае імя Лейб-Хаім Розенберг, у эміграцыі — Леон Бакст) заваяваў сусветнае прызнанне дзякуючы працы над пастаноўкамі для легендарных «Рускіх сезонаў». Мастак пакінуў працы, прасякнутыя духам часу і ўнікальным стылем. У сваім творчым парыве ён спалучаў элементы сімвалізму і мадэрну, не баяўся эксперыментаваць і выкарыстоўваў антычныя і ўсходнія тэмы ў сваіх творах. Яго працы і сёння натхняюць мастакоў ва ўсім свеце. На выставе прадстаўлена каля 50 дакументаў: кнігі, перыядычныя выданні, камплекты паштовак. Звярніце ўвагу на цыкл артыкулаў даследчыка Алены Бяспалавай, які публікаваўся на працягу некалькіх гадоў у часопісе «Русское искусство», які знаёміць чытача з малавядомымі старонкамі творчай біяграфіі мастака.

Не прапусціце магчымасць пазнаёміцца бліжэй з творчасцю яркага шматграннага земляка.

Сектар літаратуры па мастацтве

+375 162 57 48 78