Not seeing a Scroll to Top Button? Go to our FAQ page for more info.
 

Рэсурс «Лічбавая памяць Брэстчыны»

Электронны рэсурс «Агонь душы Ніны Мацяш»

Электронны рэсурс «Шчыраверная слову. Галіна Малажай»

Электронны рэсурс «Уладзімір Калеснік — чалавек Адраджэння»

Віртуальны музей «Ян Чачот — прадвеснік беларускага Адраджэння»

Электронный ресурс «Узняцца да лёсу чалавечага: да 75-годдзя з дня нараджэння Валянцiны Локун (1946–2016)»



Чарговае пасяджэнне клуба КанТэкст

Чарговае пасяджэнне клуба КанТэкст

Чарговае пасяджэнне клуба КанТэкст

«Кніжныя рарытэты бібліятэкі»


У большасці ўдзельнікаў чытацкага клуба «КанТэкст» заўсёды заўважалася жывая цікавасць да гісторыі. Са стварэннем новай экспазіцыі ў аддзеле рэдкай кнігі прадставілася выдатная магчымасць пазнаёміцца з рарытэтамі Брэсцкай абласной бібліятэкі імя М. Горкага. Зараз гэты аддзел налічвае каля 2700 асобнікаў дакументаў на беларускай, рускай, польскай, нямецкай і іншых еўрапейскіх мовах, а таксама на лацінскай, эсперанта. Уключае кнігі, брашуры, карты, лістоўкі, перыядычныя выданні, архіўныя дакументы. Храналагічны ахоп — XVI–XXI стст.


Заг. аддзела Алена Аляксееўна Пінкевіч пазнаёміла ўдзельнікаў клуба з унікальнымі выданнямі, а таксама прадставіла відэапрэзентацыю.


Цэнтральнае месца ў фондзе аддзела займае арыгінальны фрагмент Брэсцкай (Радзівілаўскай) Бібліі (1563). Гэта самае прыгожае, дарагое і маштабнае выданне ВКЛ XVI ст. Кніга багата ўпрыгожана арнаментальнымі застаўкамі і канцоўкамі. Фрагмент быў набыты ў 2013 г. за кошт сродкаў абласнога бюджэту. Ёсць у аддзеле і факсімільнае выданне Брэсцкай Бібліі вагой каля 15 кг.


Пазнаёміла Алена Аляксееўна і з трэцяй кнігай «Хроники Европейской Сарматии» Аляксандра Гваньіні (Кракаў, 1611) — адной з самых вядомых хронік таго часу, а для Беларусі — аднаго з першых больш-менш сістэмных даследаванняў нашых земляў. Трэцяя кніга «Хроника земли Русской» найбольш цесна звязана з беларускімі землямі: тут ёсць апісанні Мсціслаўскага, Віцебскага і Полацкага ваяводстваў.


Гонарам любой бібліятэкі свету з’яўляюцца кнігі, выдадзеныя ў буйнейшай і вядомай нідэрландскай друкарні, заснаванай Крыстафам Плантэнам у 1555 г. у Антверпене. На эспазіцыі прадстаўлены дзве Бібліі, выдадзеныя у гэтай друкарні ў 1629 і 1664 гг.


У фондзе аддзела ёсць і выданні вядомых кнігадрукароў XVII ст. Эльзевіраў: другі том філосафа Сенекі (1658), «Евангельские гармонии» Герардзі Восія (1656).


Ва ўдзельнікаў клуба была магчымасць пазнаёміцца і з кнігамі XVIII ст. Сярод іх першы том выбраных прац (1799) Ж. Б. Русо, гербоўнік «Корона польская» Каспера Нясецкага, «Сибирская история» Іагана Фішэра (1774).


Вялікую цікавасць выклікалі кнігі, звязаныя з беларускай гісторыяй, яе знакавымі падзеямі: «Белоруссия и Литва. Исторические судьбы Северо-Западного края» (1890) Пампея Бацюшкава, «Очерк истории Литовско-Русского государства до Люблинской унии включительно» (1915) Мацвея Любаўскага.


Прыцягнуў увагу ўдзельнікаў клуба «Сборник обязательных постановлений для жителей города Брест-Литовска», куды ўвайшлі пастановы гарадской думы. Зборнік дае ўяўленне аб тым, як і чым жыў наш горад сто гадоў таму.


Ёсць у аддзеле кнігі, прысвечаныя Палескаму краю. Гэта зборнік «Пинчуки» (1890), «Белорусы-сакуны» (1915) Ісаака Сербава.


Немагчыма пералічыць усе убачаныя рарытэты, але ў кожнага чытача ёсць магчымасць прыйсці ў аддзел рэдкай кнігі і на свае вочы пазнаёміцца з імі. Хочацца выказаць вялікую падзяку заг. аддзела А. А. Пінкевіч за займальную экскурсію і ўнікальную магчымасць дакрануцца да мінулага.



Равенка Наталля Анатольеўна,

гал. бібліятэкар аддзела абанемента

Кантактны тэлефон: +375 162 57 48 09


Зварот да спісу