Паважаныя чытачы! У аддзел перыядычных выданняў сталі паступаць новыя часопісы: «Зелёный контейнер» і «Профессиональное образование».

«Зелёный контейнер» — першае ў Беларусі спецыялізаванае выданне, цалкам прысвечанае пытанням збору і перапрацоўкі другасных матэрыяльных рэсурсаў, утылізацыі цвёрдых камунальных адходаў.

Вытворча-практычны навукова-метадычны часопіс «Профессиональное образование» асвятляе сучасны стан і праблемы развіцця айчыннай і замежнай сістэмы прафесійнай адукацыі. У ім раскрываюцца пытанні педагогікі і псіхалогіі прафесійнага навучання, павышэння кваліфікацыі і перападрыхтоўкі педагагічных кадраў, навучання дарослых і падрыхтоўкі працоўных на вытворчасці, прафарыентацыйнай працы з моладдзю. Значная ўвага надаецца навуковым даследаванням у прафесійнай адукацыі.

У новым выглядзе паўстаў перад чытачамі і навукова-папулярны часопіс «История и современность» — раней ён выдаваўся пад назвай «Гісторыя і грамадазнаўства».

Запрашаем вас азнаёміцца з новымі часопісамі і нагадваем, што ў аддзел паступае і захоўваецца вялікая колькасць беларускіх і расійскіх часопісаў і газет.

Аддзел перыядычных выданняў

+375 162 57 48 39