Абласная бібліятэка імя М. Горкага працягвае ўпадабаны чытачам цыкл выстаў «Свет кніжных навінак». З 30 сакавіка па 3 красавіка 2025 г. аддзел абанемента запрашае кнігалюбаў пазнаёміцца з навінкамі, якія папоўнілі фонд у снежні–лютым.

Гэта навукова-папулярныя выданні: «Родина моя Беларусь = Радзіма мая Беларусь: знай, помни, береги» (Мінск, 2025), «Сделано в Беларуси. Знак качества» (Мінск, 2025), Л. М. Рэйзіна «Рядовые Победы» (Мінск, 2024), Т. І. Кухаронак «Святочны час: народныя звычаі і павер'і ў аповедах беларусаў» (Мінск, 2025); С. Грыствуд «Игра королев: женщины, которые изменили историю Европы» (Масква, 2024) і інш.

На выставе экспануюцца мастацкія творы як класікаў літаратуры, так і маладых беларускіх, расійскіх і замежных пісьменнікаў.

Беларускую мастацкую літаратуру ў экспазіцыі прадставяць творы З. Дудзюк, М. Пазнякова, Д. Вінаградава, А. Літаш, Г. Марчука, Я. Берсеневай, Н. Цімашэнкі, Л. Багданавай і інш.

Вас чакаюць творы лаўрэатаў літаратурных прэмій Я. Кавабаты «Тысячекрылый журавль» і «Стон горы» (Масква, 2024); А. Гурны «Высохшее сердце» (Масква, 2024) — гісторыя чалавека, у якога ёсць дзве краіны, але няма дома (упершыню на рускай мове); Дж. Коэна «Нетаньяху: отчет о незначительном и в конечном счете даже неважном эпизоде из жизни очень известной семьи» (Масква, 2024); К. Гамсуна «Голод; Пан; Виктория: [сборник]» (Масква, 2024); Р. Гары «Воздушные змеи» (Масква, 2024), раман пра Другую сусветную вайну, пра французскае Супраціўленне, але галоўнае — пра каханне; перавыданне Т. Манна «Будденброки» (Масква, 2024) і інш.

Таксама на выставе вы знойдзеце чацвёртую і пятую кнігі аўтабіяграфічнага цыкла «Моя борьба» К. У. Кнаўсгара; заключную частку рамана М. Арбатавай «Берёзовая роща. Стеклянный занавес» (Масква, 2024); пераклад на беларускую мову Э. М. Рэмарка «Тры таварышы» (Мінск, 2024).

Новыя кнігі вельмі розныя і на любы густ. Гэта новыя дэтэктывы папулярных пісьменнікаў А. Тамонікава, Л. Мартавай, Л. Люцікавай, Е. Ветравай, Л. Собалевай, К. Лэкберг, М. Омера, В. Метаса, Д. Ліхэйна, Я. Галінскага; шмат фантастыкі Б. Канфельскага, М. Сямёнавай, А. Волгінай, В. Дж. Эндрус, Т. Пратчэта, М. Лаферці, Д. Сіманса, Дж. Арментроўта, Н. Стывенсана; жаночыя раманы Н. Аляксеевай, Е. Левашовай, Н. Міронінай, І. Валчок, Ф. Конева, М. Нуроўскай, С. Коч, К. Гувер, Кім Ынсук і іншых.

Адкрыйце для сябе творы, якія вы яшчэ не чыталі. Прыходзьце да нас за новымі кнігамі, знаёмцеся і выбірайце. Займальнага вам чытання!

Аддзел абанемента