З 10 па 27 красавіка ў Брэсцкай абласной бібліятэцы імя М. Горкага праходзіць Месячнік папулярызацыі прыродазнаўчых ведаў «Зялёны ўніверсітэт».

Месячнік накіраваны на фарміраванне экалагічнай культуры жыхароў Брэстчыны; прасоўванне экалагічных ведаў; прыцягненне ўвагі моладзі да вырашэння актуальных праблем урбаністыкі, рацыянальнага выкарыстання прыродных рэсурсаў і ўтылізацыі адходаў жыццядзейнасці.

10 красавіка Месячнік адкрыўся сустрэчай з намеснікам старшыні Брэсцкага абласнога камітэта прыродных рэсурсаў і аховы навакольнага асяроддзя В. В. Пячко. Тэма мерапрыемства — «Ахова навакольнага асяроддзя і выкарыстанне прыродных рэсурсаў у Брэсцкай вобласці».

Госць распавёў аб глабальных экалагічных выкліках сучаснасці; стане прыроднага асяроддзя і актуальных праблемах прыродакарыстання ў Брэсцкай вобласці; экалагічных праектах, што рэалізуюцца ў рэгіёне; адказаў на пытанні слухачоў — выкладчыкаў і студэнтаў факультэта прыродазнаўства БрДУ ім. А. С. Пушкіна на чале з дэканам А.А.  Сідаровічам.

Бібліятэкай была прэзентавана выстава літаратуры «Свет. Прырода. Чалавек».

У рамках Месячніка ў бібліятэцы дэманструюцца работы ўдзельнікаў абласнога этапу рэспубліканскага конкурсу на лепшы дзіцячы малюнак экалагічнай тэматыкі, арганізаванага Міністэрствам прыродных рэсурсаў і аховы навакольнага асяроддзя Рэспублікі Беларусь. Удзельнікі мерапрыемстваў месячніка могуць аддаць свой голас за любую з прадстаўленых работ. Пераможцу будзе ўручаны прыз Брэсцкага абласнога камітэта прыродных рэсурсаў і аховы навакольнага асяроддзя.

.

Агульная чытальная зала

+375 162 57 48 74