24 верасня 2024 г. у сектары рэдкай кнігі Брэсцкай абласной бібліятэкі прайшоў музейна-бібліятэчны занятак «Хто мы? Адкуль мы? Родны край у рэдкіх кнігах XIX — пач. XX в.», прымеркаваны да 85-годдзя ўтварэння Брэсцкай вобласці. Мерапрыемства наведалі студэнты II курса філалагічнага факультэта Брэсцкага дзяржаўнага ўніверсітэта імя А. С. Пушкіна.

Моладзь пазнаёмілася з народнай культурай, побытам і ўкладам жыцця сваіх продкаў. Дзякуючы фотаздымкам (1911–1912 гг.) беларускага этнографа і археолага Ісаака Сербава, студэнты здзейснілі падарожжа ў часе і ўбачылі на ўласныя вочы Беларусь пачатку XX стагоддзя ва ўсіх яе самабытных дэталях. Таксама іх увазе былі прадстаўлены рэдкія кнігі сектара па гісторыі і этнаграфіі Палесся.

Добрай традыцыяй стала завяршэнне музейна-бібліятэчных заняткаў віктарынай.

Сектар рэдкай кнігі

+375 162 57 48 30