Да 75-годдзя Георгія Марчука

1 студзеня 2022 г. 75-гадовы юбілей адзначае наш зямляк, вядомы беларускі пісьменнік, сцэнарыст і драматург Георгій Марчук.

Георгій Васільевіч — аўтар шматлікіх раманаў, п’ес, навел і кніг казак для дзяцей. Аўтар зборніка афарызмаў, таленавіты сцэнарыст. Яго сцэнарый да фільма «Кветкі правінцыі» адзначаны Дзяржаўнай прэміяй Рэспублікі Беларусь (1996). Творы Георгія Марчука перакладзены на шэраг моў свету. У 2018 годзе Георгій Васільевіч стаў лаўрэатам Нацыянальнай літаратурнай прэміі ў намінацыі "Драматургія".

Супрацоўнікі і чытачы Брэсцкай абласной бібліятэкі імя М. Горкага шчыра віншуюць юбіляра і зычаць яму ўсяго самага найлепшага: моцнага здароўя, творчага плёну, поспехаў ва ўсіх справах! Няхай мары спраўджваюцца, а планы і мэты ўвасабляюцца ў жыццё!