31 сакавіка 2025 г. у агульнай чытальнай зале Брэсцкай абласной бібліятэкі імя М. Горкага ў рамках гісторыка-асветніцкай акцыі «Мы — спадчыннікі Перамогі» прайшоў урок патрыятызму «Імёны гісторыі Перамогі». Удзельнікамі мерапрыемства сталі студэнты ІІ курса філалагічнага факультэта БрДУ імя А. С. Пушкіна.

Прысутныя даведаліся шмат цікавых фактаў аб гераічных старонках абароны Брэсцкай крэпасці, аб галоўных бітвах Вялікай Айчыннай вайны, імёнах і подзвігах герояў тых вогненных гадоў. Свае веды гісторыі Вялікай Айчыннай вайны студэнты паказалі ў віктарыне «Дарогі вайны — дарогі Перамогі». Пераможцы былі адзначаны Дыпломамі.

Напрыканцы сустрэчы прысутныя выказалі словы падзякі за мірнае неба над галавой, за несмяротны подзвіг і Вялікую Перамогу ў лістах ветэранам.

Таксама ў рамках мерапрыемства студэнтам была прадстаўлена выставачная экспазіцыя «Перамога, якая нас аб'ядноўвае».

Агульная чытальная зала

+375 162 57 48 74