21 чэрвеня 2024 г. у Нацыянальнай бібліятэцы Беларусі адбылася цырымонія ўзнагароджання пераможцаў II Рэспубліканскага конкурсу «Лепшы публічны цэнтр прававой інфармацыі».

Конкурс праводзіўся з 1 верасня 2023 г. па 2 мая 2024 г. Нацыянальным цэнтрам прававой інфармацыі сумесна з Міністэрствам культуры, Нацыянальнай бібліятэкай Беларусі, грамадскімі аб'яднаннямі «Беларускі рэспубліканскі саюз юрыстаў» і «Беларуская бібліятэчная асацыяцыя» сярод дзяржаўных публічных бібліятэк, у якіх дзейнічаюць публічныя цэнтры прававой інфармацыі.

У намінацыі «Лепшы ПЦПІ абласной бібліятэкі» ганаровае I месца прысуджана Брэсцкай абласной бібліятэцы імя М. Горкага.

Пасля цырымоніі ўзнагароджання адбылася прэзентацыя конкурсных работ пераможцаў. Дзейнасць сектара арганізацыі работы публічнага цэнтра прававой інфармацыі прадставіла загадчык агульнай чытальнай залы бібліятэкі Тамара Васільеўна Глазкова.