Штогод 24 сакавіка адзначаецца Міжнародны дзень барацьбы з дэпрэсіяй.

Дэпрэсія — гэта не проста дрэнны настрой, а сур'ёзны стан, які патрабуе ўвагі. Па дадзеных Сусветнай арганізацыі аховы здароўя, больш за 350 млн. чалавек у розных краінах свету пакутуюць ад дэпрэсіі. Захворванне сустракаецца ў 5 працэнтаў дзяцей і падлеткаў ва ўзросце ад 10 да 16 гадоў. Кожная пятая жанчына знаходзіцца ў дэпрэсіі пасля нараджэння дзіцяці. Мерапрыемствы, якія праводзяцца ў гэты дзень, накіраваны на павышэнне дасведчанасці аб захворванні і інфармаванні аб метадах яго лячэння, садзейнічаюць прыцягненню ўвагі людзей да праблем псіхічнага здароўя.

З 24 сакавіка па 20 красавіка 2026 года ў аддзеле перыядычных выданняў экспануецца выстаўка «Час песімістаў».

На выстаўцы прадстаўлены артыкулы з розных перыядычных выданняў, прысвечаныя актуальнасці праблемы дэпрэсіі, яе відам і прычынам узнікнення, а таксама ўменню жыць у гармоніі з сабой, умацоўваючы псіхалагічнае здароўе.

Экспазіцыя падрыхтавана па матэрыялах публікацый з часопісаў: «Здароўе», «Свет медыцыны», «Здаровы лад жыцця», «Пытанні псіхалогіі», «Псіхалагічны часопіс», «Здароўе і поспех», «Хатняя энцыклапедыя для вас», «Навука і рэлігія» і інш.

Аддзел перыядычных выданняў

+375 162 57 48 39