15 верасня ў Нацыянальнай бібліятэцы Беларусі адбыліся ўрачыстасці з нагоды прафесійнага свята — Дня бібліятэк. Спецыялістаў з усіх куткоў краіны віншавалі высокія госці з міністэрстваў і ведамстваў, у тым ліку Прэм’ер-міністр Рэспублікі Беларусь Р. А. Галоўчанка. Ён адзначыў высокія заслугі бібліятэкараў у фарміраванні духоўна-культурных і духоўна-маральных каштоўнасцей грамадства, падзякаваў за высокі прафесіяналізм і самааддачу і ўручыў высокія ўзнагароды лепшым з лепшых.

Удзячнасцю Прэм’ер-міністра Рэспублікі Беларусь за шматгадовую плённую працу, высокі прафесіяналізм і значны асабісты ўклад у развіццё бібліятэчнай справы адзначана Глазкова Тамара Васільеўна, загадчык агульнай чытальнай залы нашай бібліятэкі.

Калектыў бібліятэкі віншуе Тамару Васільеўну з заслужанай узнагародай і жадае творчых поспехаў і рэалізацыі ўсіх задумак!