22 чэрвеня 1941 года — адна з самых журботных дат у гісторыі Беларусі — Дзень пачатку Вялікай Айчыннай вайны. Чым далей углыб часоў сыходзяць ад нас падзеі 1941–1945 гг., тым вастрэй адчуваецца неабходнасць зноў і зноў вяртацца да іх: успамінаць загінуўшых у баях, закатаваных у фашысцкай няволі, памерлых у тыле ад голаду і хвароб; пазнаваць новыя факты трагедыі.

У Брэсцкай абласной бібліятэцы імя М. Горкага прайшоў шэраг мерапрыемстваў, прысвечаных Дню памяці ахвяр Вялікай Айчыннай вайны і генацыду беларускага народа. 18, 19, 20 чэрвеня ў дзіцячым аддзеле для выхаванцаў прышкольных аздараўленчых лагераў пачатковай школы № 2, СШ № 11, гімназій №№ 3, 6 г. Брэста адбыліся ўрокі мужнасці «Як гэта было?» і гадзіна памяці «Дзеці вайны». Дзеці даведаліся аб трагічных старонках у гісторыі нашай Радзімы, абароне Брэсцкай крэпасці, партызанскім руху, вялікіх бітвах, дзецях вайны; дзякуючы выставе «А раніцы ўжо не было» азнаёміліся з мастацкай літаратурай па тэме.

У рамках праекта «Генацыд у Беларусі. Памяць не памірае» выстава літаратуры ў агульным чытальным рэгулярна папаўняецца новымі выданнямі. Бібліятэкары праводзяць індывідуальныя кансультацыі па матэрыялах і дакументах, прадстаўленых на экспазіцыі. Урокі гісторыі па матэрыялах выставы з віктарыны «Вайна. Перамога. Памяць» наведалі студэнты БрДТУ і БрДУ імя А. С. Пушкіна, навучэнцы агульнаадукацыйных школ, абласнога вучылішча алімпійскага рэзерву, каледжаў г. Брэста.

Аддзел сацыякультурнай дзейнасці і маркетынгу

+375 162 57 48 76