Not seeing a Scroll to Top Button? Go to our FAQ page for more info.
RU
 

Віртуальны музей Непрачытаная кніга В. Ф. Праскурава



«Я помню чудное мгновенье…»

«Я помню чудное мгновенье…»

«Я помню чудное мгновенье…»

З 5 па 23 чэрвеня 2019 г., ў аддзеле абанемента будзе экспанавацца кніжная выстава «Я помню чудное мгновенье...» (А. С. Пушкін і яго музы), да 220-годдзя з дня нараджэння паэта. Яна прысвечана жанчынам, якія натхнялі аўтара на стварэнне паэтычных шэдэўраў. Як творчы чалавек, А. С. Пушкін шмат захапляўся, ён умеў зачароўвацца жаночай прыгажосцю, услаўляў яе ў сваіх вершах. Лірыка паэта — радуга пачуццёвых перажыванняў: ад лёгкай жартаўлівай закаханасці да ўсёпаглынальнай страсці. Хто ж яны, шчаслівыя або няшчасныя сучасніцы паэта, якім ён прысвяціў свае бессмяротныя творы? Такіх жанчын было шмат: Кацярына Бакуніна і Ганна Аленіна, Марыя Раеўская і Кацярына Ушакова, Наталля Ганчарова і Ганна Керн, Лізавета Варанцова і Кацярына Завадоўская і інш. З імі паэт сустракаўся на сваім жыццёвым шляху ў розны час і заўсёды схіляўся перад іх прыгажосцю, грацыяй, талентам і багатым духоўным светам.


Першы жаночы вобраз, які меў рэальны прататып, з’явіўся ў лірыцы А. С. Пушкіна ў гады вучобы ў ліцэі. Музай была Кацярына Бакуніна. Лічыцца, што менавіта ёй паэт прысвяціў цэлы цыкл. Столькі вершаў А. С. Пушкін больш не прысвячаў нікому.


Ганна Керн — муза найвялікшага рускага паэта. Яе імя ўзвысіў А. С. Пушкін сваім «Я помню чудное мгновенье...». Аб яе жыцці і лёсе можна прачытаць у кнігах: Сысаў У. І. «Анна Керн: жизнь во имя любви» (Масква, 2009), Майкаў Л. М. «Пушкин. Биографические материалы и историко-литературные очерки» (Масква, 2015), Керн Г. «Чудное мгновенье. Дневник музы Пушкина» (Масква, 2014), Керн Г. П. «Воспоминания. Дневники. Переписка» (Масква, 1974) і інш.


Марыі Раеўскай А. С. Пушкін прысвяціў свае знакамітыя творы «На холмах Грузии лежит ночная мгла», «Бахчисарайский фонтан» і інш. Лічыцца, што паэму «Полтава» паэт таксама прысвяціў Марыі.


Пушкін і Ганчарова... Гэтыя імёны заўсёды будуць стаяць побач. Пра тое, як складваліся адносіны вялікага паэта і яго Мадонны можна прачытаць у кнігах: Чаркашына Л. А. «Наталия Гончарова» (Масква, 2017), Кузняцова А. А. «Моя Мадонна» (Масква, 1987), Пушкін А. С. «Письма жене: невеста и жена Пушкина» (Масква, 2016), Гарбачова Н. Б. «Гончарова и Пушкин. Война любви и ревности» (Масква, 2015) і інш.


На экспазіцыі прадстаўлены кніжныя навінкі, якія распавядаюць аб яркім, насычаным важнымі падзеямі жыцці паэта і яго муз. Гэта кнігі: Сідарава Л. «Пушкин — Тайная любовь» (Масква, 2017), Керн Г., Аленіна Г., Ганчарова Н. «Ай да Пушкин… Музы о поэте» (Масква, 2016), Арынштэйн Л. М. «Косая мадонна и резвая мышь» (Масква, 2017). Усім, хто цікавіцца творчасцю вялікага рускага пісьменніка, будзе прадастаўлена магчымасць пазнаёміцца са зборамі твораў, зборнікамі асобных твораў, успамінамі, лістамі, літаратурна-крытычнымі матэрыяламі аб жыцці і творчасці паэта.


Гаўрыленка Ірына Мікалаеўна,

бібліятэкар аддзела абанемента

Кантактны тэлефон: +375 162 57 48 09


Зварот да спісу