Брэсцкая абласная бібліятэка імя М. Горкага |
|
Брэсцкая абласная бібліятэка імя М. Горкага |
|
Выстава аддзела літаратуры па мастацтве «Загадка Леонарда»
З 6 красавіка 2022 г. у аддзеле літаратуры па мастацтве прадстаўлена выстаўка «Загадка Леонардо», прысвечаная 570-годдзю з дня нараджэння Леанарда ды сэр П’ера да Вінчы. Геніяльны і загадкавы Леанарда да Вінчы — італьянскі мастак, які зрабіў вялізны ўклад у мастацтва эпохі Адраджэння.
Шэдэўры мастака «Мадонна з кветкай», «Мадонна з немаўлём», «Дама з гарнастаем» унікальныя і вядомыя. Палотны, створаныя Леанарда да Вінчы, хвалююць і захапляюць нас сёння не менш, чым яго сучаснікаў. Несмяротная «Мона Ліза» працягвае пакараць сваёй непаўторнай усмешкай. Экспазіцыя прапануе каляровыя ілюстрацыі і аповеды пра гісторыю стварэння лепшых карцін жывапісца.
Вядомы Леанарда да Вінчы не толькі як мастак, але і як вучоны, інжынер, філосаф, пісьменнік, музыка. Яго творы, яго адкрыцці і даследаванні не на адну эпоху апярэдзілі час. Сярод такіх вынаходак Леанарда і вадалазны касцюм, і парашут, і дэльтаплан, і веласіпед. Вобласць ужывання яго талентаў была сапраўды бязмежная.
З кніг, прадстаўленых на выстаўцы: «Леонардо да Винчи» (Мінск, 2009), Д. Данн «Тайная история Леонардо да Винчи» (Масква, 2005), «Атлас мировой живописи» (Масква, 2014) і іншых, чытач пазнаёміцца з біяграфіяй мастака, даведаецца пра розныя перыяды ў творчасці майстра.
Прапануем наведаць нашу выставу, якая будзе адкрыта для прагляду да канца красавіка 2022 г.
Аддзел літаратуры па мастацтве
Кантактны тэлефон: +375 162 57 48 78