Not seeing a Scroll to Top Button? Go to our FAQ page for more info.
RU
 

Віртуальны музей «Ян Чачот — прадвеснік беларускага Адраджэння»

Электронный ресурс «Узняцца да лёсу чалавечага: да 75-годдзя з дня нараджэння Валянцiны Локун (1946–2016)»



Выстава «Уладзімір Караткевіч. Быў. Ёсць. Будзе!»

Выстава «Уладзімір Караткевіч. Быў. Ёсць. Будзе!»

Выстава «Уладзімір Караткевіч. Быў. Ёсць. Будзе!»

26 лістапада 2020 г. спаўняецца 90 год з дня нараджэння вядомага беларускага пісьменніка У. Караткевіча. З нагоды святкавання гэтага юбілею ў агульнай чытальнай зале Брэсцкай абласной бібліятэкі імя М. Горкага экспануецца разгорнутая выстава літаратуры «Уладзімір Караткевіч. Быў. Ёсць. Будзе!».


Уладзімір Караткевіч — адна з самых яркіх постацей беларускай літаратуры XX стагоддзя. Ён плённа працаваў як паэт, празаік, драматург, літаратурны крытык, перакладчык і кінасцэнарыст.


Асабістая заслуга У. Караткевіча перад беларускай літаратурай у распрацоўцы гістарычнай тэматыкі. Пісьменнік узняў шырокія пласты нацыянальнай гісторыі, перадаў дух мінулых эпох, стварыў адметныя характары, раскрыў багаты духоўны свет сваіх герояў і звязаў іх асабісты лёс з лёсам народа.


На выставе прадстаўлены больш за 80 дакументаў: кнігі, артыкулы з часопісаў, аўдыякнігі, альбомы. Гэта найбольш вядомыя творы аўтара: аповесці «Дзікае паляванне караля Стаха», «Сівая легенда», раманы «Каласы пад сярпом тваім», «Хрыстос прызямліўся ў Гародні», «Чорны замак Альшанскі», нарыс «Зямля пад белымі крыламі», паэтычныя зборнікі і пераклады.


На экспазіцыі знойдзеце архіўныя матэрыялы, эпісталярную спадчыну, успаміны пра пісьменніка. У працах вядомых беларускіх крытыкаў А. Русецкага, С. Андраюка, Д. Бугаёва, М. Мішчанчука, З. Мельнікавай, Д. Марціновіча, якія таксама прадстаўлены на выставе, разглядаецца творчая эвалюцыя пісьменніка, даследуюцца праблематыка і жанрава-стылістычныя асаблівасці твораў.


У асобных тамах 25-томнага выдання збору твораў аўтара прадстаўлены сцэнарыі дакументальных і мастацкіх фільмаў, кінанавелы і лібрэта опер і балета. Асаблівую цікавасць выклікаюць упершыню выдадзеныя малюнкі Уладзіміра Караткевіча. Сярод іх — ілюстрацыі да ўласных твораў, замалёўкі гістарычных персанажаў, шаржы і гумарыстычныя малюнкі.


Выстава экспануецца з 26 лістапада для шырокага кола чытачоў.


Запрашаем усіх аматараў беларускага слова наведаць нашу выставу!



Марашчук Ирына Мікалаеўна,

гал. бібліятэкар агульнай чытальнай залы

Кантактны тэлефон: +375 162 57 48 74


Зварот да спісу