Not seeing a Scroll to Top Button? Go to our FAQ page for more info.
RU
 

Віртуальны музей Непрачытаная кніга В. Ф. Праскурава



Выстава перыёдыкі «Умные технологии для умной планеты»

Выстава перыёдыкі «Умные технологии для умной планеты»

Выстава перыёдыкі «Умные технологии для умной планеты»

З 1 па 28 мая 2019 г. у чытальнай зале бягучых перыядычных выданняў экспануецца выстава «Умные технологии для умной планеты».


Сёння лічбавыя тэхналогіі ўварваліся ў нашу рэальнасць, праніклі ва ўсе сферы жыцця, стаўшы звыклым асяроддзем для адных і паставіўшы ў тупік іншых.

Прадстаўленыя на выставе матэрыялы дапамогуць чытачам разабрацца ў паняцці «Індустрыя 4.0», пазнаёмяць з даследаваннямі феномена чацвёртай прамысловай рэвалюцыі і магчымасцямі выкарыстання яе дасягненняў на прадпрыемствах нашай краіны, а таксама са спробамі філасофскага асэнсавання рызык масавага скажэння маральных нормаў, якія нясе ў сабе інфармацыйная цывілізацыя.

Публікацыі з часопісаў «Наука и инновации», «Экономика. Финансы. Управление», «Экономист», «Проблемы управления», «Наука и жизнь», «Disсоvery», «Планета» і іншых раскрыюць сутнасць канцэпцыі Smart City (разумны горад), раскажуць як «разумнеюць гарады» на канкрэтных прыкладах інтэграцыі інфармацыйных тэхналогій у інфраструктуру гарадоў у развітых краінах свету і пра тое, ці ёсць будучыня ў выглядзе «разумных гарадоў» у Беларусі.

У чытачоў, якія азнаёмяцца з выставай, ёсць магчымасць паглыбіцца яшчэ ў адну модную тэму — «Інтэрнэт рэчаў» (IoT), які ўяўляе сабой сетку з падключэннем мноства аб’ектаў, ад бытавой тэхнікі, прамысловых робатаў, аўтамабіляў, цягнікоў да прадметаў, якія прысутнічаюць у штодзённым жыцці любога чалавека.

Экспазіцыя арыентавана на шырокае кола чытачоў.

Трубіцына Любоў Пятроўна,

гал. бібліятэкар чытальнай залы бягучых перыядычных выданняў
Кантактны тэлефон: +375 162 57 48 39



Зварот да спісу