Not seeing a Scroll to Top Button? Go to our FAQ page for more info.
RU
 

Віртуальны музей «Ян Чачот — прадвеснік беларускага Адраджэння»

Электронный ресурс «Узняцца да лёсу чалавечага: да 75-годдзя з дня нараджэння Валянцiны Локун (1946–2016)»



Уручэнне Літаратурнай прэміі імя У. А. Калесніка Брэсцкага аблвыканкама

Уручэнне Літаратурнай прэміі імя У. А. Калесніка Брэсцкага аблвыканкама

Уручэнне Літаратурнай прэміі імя У. А. Калесніка Брэсцкага аблвыканкама

10 снежня 2021 г. у аг. Лунін у чарговы раз адбыліся мерапрыемствы з нагоды ўручэння Літаратурнай прэміі імя У. А. Калесніка Брэсцкага аблвыканкама. Гэта з’яўляецца важнай падзеяй сучаснага літаратурнага жыцця вобласці.


Брэсцкая абласная бібліятэка імя М. Горкага — нязменны ўдзельнік гэтага свята. Супрацоўнікі падрыхтавалі кніжную выставу «Літаратурная прэмія Брэсцкага аблвыканкама імя У. А. Калесніка».


На выставе экспанаваўся поўны збор калекцыі кніг берасцейскіх пісьменнікаў-лаўрэатаў прэміі за ўсе гады яе існавання, у т. л. з аўтографамі некаторых аўтараў. Сярод апошніх і кніга У. Калесніка «Я з вогненнай вёскі…» (Мн., 1975), напісаная ў суаўтарстве з Алесем Адамовічам і Янкам Брылём. На выданні аўтограф У. Калесніка: «Аддзелу беларускай літаратуры і краязнаўства з пажаданнем поспехаў у прапагандзе ідэй міру, дружбы паміж народамі».


Для Берасцейшчыны Калеснік — асоба знакавая. Ён першы зрабіў спробу прасачыць гісторыю літаратуры краю, пачынаючы з самшытавага грабеньчыка, знойдзенага пры раскопках старога Бярэсця, ад Бібліі Брэсцкай і да нашых дзён у нарысе «Берасцейскае вогнішча», які быў надрукаваны ў яго кнізе «Зорны спеў» (Мн., 1975). Творчая спадчына пісьменніка вельмі багатая. На выставе можна было пабачыць яго знакамітыя выданні: «Доўг памяці» (Брэст, 2005), «Тварэнне легенды» (Мн., 1987), «Пасланец Праметэя» (Мн., 1984), «Лёсам пазнанае» (Мн., 1982), «Час і песні» (Мн., 1962) і інш.


Прэмія мае досыць багатую гісторыю. Заснавана яна ў 2007 г. і налічвае больш за 40 лаўрэатаў. Конкурс на саісканне прэміі ажыццяўляецца па трох намінацыях: проза (у т. л. драматургія і публіцыстыка), паэзія, дзіцячая літаратура.


У 2021 г. на прэмію прадстаўлена 26 кніжак. Сярод намінантаў вядомыя імёны ў літаратурным асяроддзі вобласці і рэспублікі: М. Антаноўскі, Л. Красеўская, Т. Канапацкая, М. Панасюк, В. Пракаповіч, А. Бярнацкі, І. Морых, Н. Кухліч, У. Гетманчук і шэраг іншых. З кнігамі намінантаў 2021 г. знаёміў другі раздзел экспазіцыі.


Кнігі лаўрэатаў мінулых гадоў экспанаваліся ў апошніх раздзелах выставы. Сярод іх такія зоркавыя аўтары як: М. Купрэеў, В. Грышкавец, В. Гапееў (2007); З. Дудзюк, В. Ласковіч, М. Рудкоўскі, М. Пракаповіч, А. Каско і Р. Бензярук (2008); А. Паплаўскі, А. Юдзіцкі, Н. Мацяш, А. Бензярук (2009); А. Валковіч, В. Вабішчэвіч, Н. Парчук, З. Гарадзецкая (2010); М. Елянеўскі, А. Корнеў, М. Кавалевіч, М. Туруноўскі (2011); М. Кобец, І. Арабейка, М. Бусько, А. Крэйдзіч, У. Глушакоў, В. Жушма (2012); А. Брытун, А. Шушко, У. Сітуха (2014); Ф. Саевіч, А. Галушка, Г. Бабарыка, Н. Нарэйка, А. Дэбіш (2017); С. Белаяр, У. Лебедзеў, Г. Тамашэвіч, А. і В. Дэбішы, К. Мядзведзева (2019).


Лаўрэатамі 2021 г. сталі: у намінацыя «Проза» — Таццяна Канапацкая з кнігай «Лунінецкая памяць» (Мн., 2020); у намінацыі «Паэзія» — Любоў Красеўская з кнігай вершаў «Та самая сила» (Разань, 2019) і Мікола Антаноўскі «Як ліст сярод лістоў» (Брэст, 2019); у намінацыі «Дзіцячая літаратура» — пісьменніцы Ірына Морых «Марго и волшебный экран» (Брэст, 2019) і Наталля Кухліч «Раскрашенный мир» (Брэст, 2019).


Супрацоўнікі бібліятэкі шчыра віншуюць лаўрэатаў і нагадваюць, што з поўным зборам усіх твораў-пераможцаў можна азнаёміцца ў аддзеле краязнаўчай літаратуры і бібліяграфіі.



Матэрыял прадастаўлены аддзелам краязнаўчай літаратуры і бібліяграфіі

Кантактны тэлефон: +375 162 57 48 79



Зварот да спісу